Jhoot na boliye'na hi aasaan jeet ka dawa kijye

Jhoot na boliye'na hi aasaan jeet ka dawa kijye

Hindustan me is wakt bjp aur hindutva nazariya k hamil log sarkar me hain aur haqiqat to ye hai ki wo aaj qanuni seyasi jamaat ki haisiat se pure hindustan par qabiz hain

In logo ko is position me lane ki puri zimmedari congres k sir jati hai

Congres aur hidutva zehan k hamil peshruon k tarikhi talluk ko is jagah byan karna wakt ki barbadi hai

Kiun ki in dono ka talluk to hamesha se hai

Congres ki to buniyad hi hindutva par rakhi gai thi

Gulam mulko ki dusri bdi partiyo ki tarah congres ne bhi wahi rol hindustan me ada kiya tha jo ki in jamato ki khasiyat rhi

Kiun ki congres me bhi bila mazhab o millat sabhi kism k afraad shamil they

Aur dusri khas bat ye thi ki congres kabhi buniyad parasto ka sath deti hai jaise

Hindu mahasabha aur muslim lague aur kabhi mutzaad samaji wa iktesadi nazriyaat ki hamil partiyo ka

Mauka parasti ki is se bdi aur kia misal ho sakti hai

Tehreek aazaadi k dauraan fauri takazey k pesh e nazar aur dusrey ikhtelafi madayel me congres ki hamesha yahi polisi rhi hai

Aazadi k baad se firka parasti jaise hessas mauzu par congres ka kia maukaf rha hai jab ki is kism k takazey kafi qadeem hain??

Mai 3 misaal de kar is ko clear karta hun

1 qaumi iftekhar 2 firqa wariyat ka farog 3 mazhabi aqliyat( minority) k khilaaf tashaddud

In teeno hessas mauzuaat par congrs ne kis tarah k kadam uthaye hain btata hun

(1) 26 january 1963 ko 3 hazaar swayem sewak apne makhsus libaas khaki chaddi me yaume jamhuriya ki pared me lalkila k saamne shamil hue aur faujiyo k sath march kia

Us wakt jawahar lal nehru wazir e azam they RSS ko is march me hissa lene ki sarkari taur par dawat di gai thi

Us saal bharat china jung me bharti faujo ko zabardat shikast ne nehru ki maqbuliyat me zabardast kami kar di thi

Nehru us se itne zada dil bardashta hue ki unho ne qaumi iftekhar k sab se kharab zariya ko apnaane ki ijazat de di

Yaume jamhuriya ki pared me swam sevko ko sarkari dawat nama de kar nehru ne apne hi bnaye usoolo ko balaye taaq rakh diya

Aur hidutva ko apnaane ki ijazat de kar us par sarkari mohar laga di

Us pared ki radio comentry ko yaad kar k us wakt k logo ka sir sharm se jhuk jata hai ki kis tarah se desh k gaddaro ko utha kar aur us ko paira miletry ka darja de kar sarkari taur par us ki tareef ki gai thi

(2) 6 december1992 ko babri masjid ki shahadat se pahley soch samajh kar 3 aise kadam uthaye gae jis ka result pahley hi se sab ko msloom tha

23/23 december 1949 ki darmyani raat me babri masji me moorti rakhtey wakt bhi nehru wazir e azam they

February 1986 ko babri masjid ka tala kholne k wakt bhi congres ki hukumat thi aur rajiv gandhi us wakt wazir e azam they

Aur 9 november 1989 me shila nyaas k wakt bhi rajiv gandhi hi wazir e azam they

Jo us wakt bhut sarey scandalo me shamil ho chukey they

Aur unhi scandalo ki wajah se VP singh ne istefa de diya tha

Aur babri masjid ka inhedaam ka wakeya bhi congres ki goverment k dauraan hua

Us wakt Narsimha rao mulk k prime minister they

(3) hindustan me minority's ka munazzam qatl e aam

Gujraat qatl e aam ko mataki qarar diya jana( ki har action ka re action hota hai) congres k prime minister Rajiv gandhi k is naara ki den thi ki jab koi tanavar darakht girta hai to zameen me zazala hi aa jata hai

Is naara ki wajah se delhi me hazaro sikho ka qatl e aam hua tha

Gujrat qatl e aam ki dusri shakal thi

Bila shubha shikast khorda gang k muqabla congres ko matbadal k taur tarjeeh dena sahi ho sakta hai

Magar is ko seyasi matbadal tasleem kar lena aisa hi hai

Jaisa ki zubaan aur tehzeeb o sakafat ko nuksaan pahnchana

Africa k azeem inqlabi rahnuma 

Oyel kar carl k alfaaz me 

Jhoot na bolo,kiun ki fatah asaani se nhi milti ?

Aurangzeb -